Водгукі лета: Дзень ІІ 🍂

03:14

57.4km

17.8km/h

50.0km/h

410m

430m

Рана ўставаць - у восеньскіх падарожжах гэта база! Светлавы дзень дужа скарочаны, а паглядзець хочацца столькі ж, як і ўлетку 🙂

Таму а 8 гадзіне з Оршы пасунуліся на электрычцы ў Ходасы. За акном праляталі залітыя сонцам пейзажы, ужо закранутыя восеньскімі фарбамі, на што я падумаў "да, гэтага разу надвор'е з намі, а не супраць нас 😌".

Сёння дабраліся да гарыстага Мсціслава і вандравалі па ваколіцах. Ехалі няшмат, больш хадзілі і глядзелі. А глядзець было шмат чаго... У Мсціславе куды ні глянь - паўсюль гістарычныя помнікі: то файны занядбаны касцёл, то гарадзішча "Замкавая гара", то мужчынскі дзейны манастыр. Сапраўды прывабныя і ўтульныя мясціны, дзе пануюць багатая на падзеі гісторыя і адначасова асаблівы спакой... І ўсё гэта, канешне, існуе на глебе казачнай маляўнічасці, што таксама спрыяе...

А ўвечары, неўзабаве для сябе знайшлі ўзорнае месца для намёту на беразе ракі Віхра. Уладкаваліся на прыбраным газоне і лавілі асалоду ад марознага (да, рознасць дзённай і вечаровай тэмпературы - гамон 🥶), але ж усё ж магічнага вечару, які быў сагрэты цёплай ежай, гарбатай і цікавай гутаркай. А як па грудзі расцяклася травяная хваля Ягермайстэру, дык зусім хораша стала 😁

Слаўны дзень!