Grüne Hölle (D-54669 Bollendorf) - 7,13 km - 16/10/2026

Virun 10 Deeg (16/10/2026) hunn ech mech op der Heringer Millen 🌞 gestäerkt, iert ech iwwert den "Pont" op Bollendorf gefuer sinn. Grüne Hölle. Nee, net 🚘🚘🚘Nürburgring, mee d'Randonéée N° 55 am Naturpark Südeifel. De Wee op den Startpunkt ass relativ gutt gezeechent, mee de Weekend kann dee klengen 🅿️ Parking do e bëssi 🤔 voll ginn. Et geet direkt emol biergop, iert een no engem knappen Kilometer uewen um Plateau u kéint. Nach e gudden Kilometer bis op den héijsten Punkt. Flott Aussiicht 👀 iwwert den Sauerdall. E relativ laangen Passage, licht biergof op engem Bëschwee. Vläicht langweileg. Marie-Theresia-Stein. Gekraxels fir op den Priedegtstull,et gëtt een mat Aussicht 👀 belount. Weider geet et op klengen Pied, biergop an biergof, iert een no knapp 7,2 km erëm um Startpunkt ass. Natierlech 🥸 hat ech mech och verlaaf, doweinst hunn ech mei wéi déi offiziel Distanz um Compteur.
E ganz flotten Tour, eng flott Mëschung aus Mëllerdall, Wollefsschlucht an Teufelsschlucht. Gefillt 1.000 Träppleken. Interessant Erklärungen och op der "Lauschtour", déi een via App kann genéissen. Iergendwann huet sech och bei mär d'Erkenntnis duerch gesat, dass ech net gläichzäiteg konzentréiert lauschtern an trëppelen kann. Emol gutt op d'Sukkel 😅gaangen. Ohne bleibende 🥸 Schäden, mee méi schlau wei virdrun.
Dësen 🥾🥾 Tour ass definitiv d'Rees op Bollendorf wert. Optional kann een wuel och nach Stëck drun hänken, fir op knapp 10 km ze kommen. Ech war spéit un, et ass keng Glace 🍦🍦 méi zu Iechternach an der Haler Gaass ginn.

https://www.naturpark-suedeifel.de/touren/rundweg-nr-55-bollendorf