Busturia Katilotxu Otsagarai Metxikas

Hasiera explosiboa duen ibilbidea. Busturitik Sukarrietara doan bide zaharra hartuta, gero Abaroara igoteko gerizpean doan ibilbidea hartuko dugu.
Hortik Mundakako uren depositora, eta zatirik aldapatsuena hor dakogu, Katilotxura igoteko. Hasiera gogorra, arnasa hartzeko tartetxo bat, eta azkeneko aldatzak nahiko teknikoak.
Katilotxutik Busturiko Altamira auzora doan bidea, Larrezabaleko eskolatik pasatuta. Altamirara jaisten hasi baino arinago, eskumara hartuko dugu nahiko itxita dagoen Atxirikara doan bidetik.
Maper deritzogun bueltara bajatzen, zati teknikoagoak, putzuekin eta garbi dauden tarteekin.
Paresiko errepidera iritsi eta Metxikaseko bidetik jarraituko dugu, Bizkaiganen ondotik pasatuz. Zallobanten ezkerrera eta Metxikas atzean izten dugunean, ezkerretik Altamirara doan pista hartuko dugu.
Kontuz hemen, hasieran aldatz behera handia duen ormigoizko tarte bat baitago.