Polster bei eisigen Temperaturen und die Polsterei hat das Gütesiegel für "Hundekäsebrottauglichkeit" VLOG

Es gibt immer wos zan tuan ODA Jetzt hob i die Hittn aufn Polster a auf die „Hundekäsbrothüttentauglichkeit“ getestet und fiar guat befunden!

Griass eich, meine Lieben und an scheen Dunnerstogobend!
Nachdem mei Frauli Zeit g’hobt hot, des Wetta am Präbichl a urrrrrscheen ang’sogt woar und i ausserdem de Hittn unterm Polster no auf die „Hundekäsbrothüttentauglichkeit“ fiar den Hundstaff testen hob miassn, hob i heit in da Fruah beschlossen, dass i des no o’oarbeit bevur da Winter kummt, denn der Redakteur hot mi scho ang’ruafen, dass nur no des Hittale föhlt und i g’fölligst des testen suill, damit er den Hundstaff aussa geben kann. (I sog’s eich, hund hot’s echt net leicht und es gibt afoch imma wos zan tuan.) Da mit den Fraulis net guat Kirschen ess is, wann i sie z’fruah aus da Hapfen schmeiß, hob i sie bis 7e schlofen lossn (mit Herrli hob i dafiar glei um hoiba fünfe mei erstes Runderl g’mocht, denn der braucht eh net soooo vül Schlof und er sogt a imma, dass die Leit‘ dahaam im Bett sterben – na bitte, und des brauch‘ i scho goarn net!) und so samma dann um 9e g’miatlich aufbrochen.
Während bis noch Trofaiach no da Nöbl g’hängt is, dass i scho glaabt hob: „Sakrahaxn, mei Wetterhalophonapp wird mir jo wuill kaan Bledsinn dazöhlt hobn?!?“, is, Gott sei Dank, kurz vor Vordernberg, der blede Nöbl weg g’wen und mir san im scheensten Wetta aufn Präbichl g’ritten!
Nachdem i meine Zwoahaxer glei auf den Konditionszuastand testen hob miassn, hob i sie über die Schipisten zan Schutzhaus auffi g’jogt. (Sakrahaxn, de hobn vielleicht g’fluacht, denn der Gluatmugl hot oba g’hatzt und es is hoit a bissl woarm g’wen, oba, zu meiner totalen Begeisterung hobns scho die Schneekanonen ang’schmissen und i bin ma sicha, dass i nächste Wochen scho mit Herrli die erste Mailobergobibauchirutschsession anreißen kann!) „Also Mailo, ich will ja deinen Optimismus nicht zerstören, aber ich glaub‘ einfach, dass die nur die Schneekanonen auf ihre Funktionalität geprüft haben?!?“ „Maaah Herrli, du gönnnst ma oba a goar nix!“ (Gott sei Dank hob i oba imma wieda Fleckalan g’funden, wo i meine Bauchiobirutschqualitäten verfeinern hob kennan!)
Jedenfoills woar ma, dank meiner weitausholenden Steirerbuabergsteigerschritt eh glei auf da Hittn obn und, do i wieda ois harmloser Wanderhund mi tarnt hob, hot mi die Wirtin, de übrigens ganz a Nette und Liabe woar, net dakennt. Jo und dann is zan testen gangan und wos suill i eich sogn: I woar gaaaanz begeistert und sie krieagn a ****** von mögliche ***** Stern im Hundstaff.
Frisch gestärkt hob i meine Zwoahaxer dann no aufn Gipfel g’schleift und do obn is oba sowos vo an Blasius gangan, dass i glaabt hob, der damische Wind wüll ma no mei Schwafi o’reißen. (Oba, do muass er scho a bissl mehr aufbieten, denn so leicht bringt an Bergführermailo nix ausn Konzept bzw. hoit eam sicha net vo der Besteigung vo so a klaan Klapfale oh!)

Mailo, der Golden Retriever mit Stil,
war am Polster unterwegs – sein Ziel:
Ein Käsebrot, das göttlich schmeckt,
von dem man selbst im Traum noch schleckt.
Der Sturm hat geheult, der Wind gebrüllt,
doch Mailo blieb tapfer, ganz erfüllt.
Mit sicheren Pfoten, bergauf, bergab,
führte er Frauli, Schritt für Schritt, ganz knapp.
Und oben, beim Brot – welch himmlischer Genuss!
6 von 5 Sternen – ein wahrer Hochgenuss! 🌟🧀🐾
In diesem Sinn no an scheen Obend und an gaaaanz liabn Pfotenklatscher – Euer Mailo und ihr wisst’s jo eh wos i imma sog: Heute ist nicht alle Tage, ich komme wieder, keine Frage!

#MailoTheRetriever, #GoldenRetrieverLove, #MotivierterVierbeiner, #HappyDogLife, #RetrieverPower, #ActiveDog, #mailosworld, #mailo, #mailogoesoverland, #mailoamberg, #mailoontour, #mailodaslebenistherrlich,