Wengler

Start am Festsall, dem sougenannten (Festi-)Kuss fir 11 km via Bieleser Gare, dann weider op d'Haaptstrooss (rue d'Obercorn) an dann direkt biergop a Richtung "Gaalgebierg", mat sengen pittoreske Spadséierweeër. Weider um Bierg, wou de Wee meeschtens méi breed ass, laanscht resp. iwwert den Terrain vum fréieren sougenannten "Tagebau", wou nach an den 1950er Joeren all Dag Eisenerz iwwerirdesch ofgebaut gouf. Den Ofbau vum Eisenerz am Süden vum Land huet allgemeng a vill zum Räichtum vun eisem Land bäigedroen an mat dausenden vun Aarbechtsplaazen. Déi Plaazen waren zwar anständeg bezuelt, mä d'Schaffen fir all Schmelzaarbechter war ganz schwéier. Trotzdem sinn vill Jongen vum Land, souguer aus den éislecker Bauerendierfer an d'Minettsgéigend resp. op d'Schmelzen schaffe gaangen -9 wéinst dem Aarbechtsloun. Um Gaalgebierg komme mer dann bei déi duebel Kontrollplaaz vun den 11 km, an dat am Lokal vum Hondssportveräin direkt niewent hierem Trainingsterrain. Dann ass eng Schleef um Plateau gemeet ginn, woubäi de Wee laanscht de sougenannten "Ronnebierg" gaangen ass, eng fréier Mülldeponie, déi an der Zeit zougeschott gouf fir den Offall ze verstoppen. D'Deponie ass ofgezäunt, mat Entlüftungsschächt versinn a gläicht haut engem richtige klenge Bierg, deen mat Gras iwwerzunn ass. Wéineg spéider komme mer zréck op déi duebel Kontroll um Hondsterrain an dann geet et virun op schmuelen Foussweeër a lichtem Biergof an d'Ëmgéigend vun der Bieleser Kiirch, awer weider a Richtung Bieleser Gare. Am wäite Bereich vun der Gare, ausserhalb vum Bësch, gesäit een op d'Staad Esch/Uelzecht mam Viruert Esch/Belval an sengen Alentouren. Weider geet et dann via Gare vu Bieles zréck bei de Start am Festi-Kuss. Wieder: drëschen an sonneg. Ofgemoossen 10,50 km. Streck: immens schéin. Teilnehmer: ca 1100 Leit an ca 80 Kanner. Terminus. Fern. Wengler / Ettelbréck (3.3.2026).

Start vun der Streck vun 12 km am Centre Polyvalent zu Ell am fréien Nomëtteg op feste Weeër op der Strooss an dann ab dem Ortsrand an d'Bëscher - am großen Tour a Richtung Réiden/Atert. Virun Réiden dann bis zum Rand vun der Industriezon a mat enger Schleef weiderhin duerch de Bësch zréck a Richtung Ell. Vun Ufank vum Tour bis zum Schluss, alles am Reen, mä trotzdem kee Bulli bei nach ëmmer feste Weeër. Deemno alles beschtens bis kuerz virum Bëschrand bei Ell - mat Bulli vun ca 200 bis 300 m - wou een huet missen derduerch steppen. Duerno aus dem Bësch raus an d'Duerf vun Ell, mat als Ofschlos vum Wee iwwert eng Foussgängerbréck bei der Atert an dann duerch verschidden Duerfstroossen zréck an de Sall. Wieder: permanenten Fissemreen, deen sech heiandsdo verstäerkt huet. Teilnehmer: ca 600 bis 700 Leit, trotz dem schlechte Wieder. Terminus. Fernand Wengler / Ettelbréck (23.2.2026).

Start beim Schoul-a Sportkomplex Nic.Biver duerch Bëscher a Felder bis un d'Randgebitt vun Volmerange-les-Mines (F). Duerno op der Haapstrooss zréck op d'Landesgrenz Luxbg/Frankreich a weider e puer Km biergop op de Gënzebierg (noh bei d'Antenn vun RTL). Iwwert den Haaptwee uewen um Plateau weider ronderem den Bierg a Richtung Diddeleng. Außerhalb dem Boesch ass et biergof viru gaangen bis bei den Komplex vum CNA (dem Audio- a Videoarchiv vum Land). Duerno zréck laanscht d'Gare Dudelange-Usines etc. zum Sportkomplex an der rue Reiteschkopp resp. an d'Ziil. Wieder: Wolleken, awer drëschen. Teilnehmer: gutt 1400 Leit. Terminus. Fernand Wengler / Ettelbréck. Remarque: chute WF environ 500 m avant l'arrivée avec problème de mobilité après cette chute.

Start um Sonndeg zu Garnech am nei renovéierten Veräinshaus duerch en Deel vum ieweschten Duerf, weider op der Héicht iwwert d'Gewaan bis op Koler, dem Duerf mat de schéinen a perfekten Graffitimolereien op verschiddenen Hausfassaden, ausgeféiert vun engem ortsusässegen Graffitikünstler - dem Alain Welter. Am Duerf geet et weider bis bei déi éischt Kontroll am Virraum vum Ortskino - dem KINOLER - mat sengem Agangsberäich mat den perfekten Graffitimolereien vun diversen Starschauspiller a Figuren aus der Comic-Szeen (z. B. Charlie Chaplin, Marlon Brando, E.T. etc.). De Kino mat 46 Sëtzplaazen huet eng ganz modern HiFi-Stereo Akustik an ass modern ageriicht. Weider geet et duerch Koler (Kahler) a Richtung Klengbetten duerch den Autobunnstunnel (Luxbg-Arel) bis kuerz virun Klengbetten. Vun do aus op Velosweeër laanscht d'Eisebunnsstreck a Richtung vun de Bëscher tëscht Wandhaff a Garnech. Weider iwwert Bësch- a Gewaansweeër (alles Velospisten) op Garnech bis zum Ortsrand. Vun do aus op der Haaptstrooss ca 500 m zur Duerfmëtt zréck an de Veräinssall. Wieder: kaal an drëschen. Teilnehmerzuel: iwwert 900 Leit. Terminus. Fernand Wengler / Ettelbréck (20.1.2026).

Start um Chrëschtmaart zu Dikrich (Place Bech) beim klenge Geriicht duerch d'Foussgängerzon op d'Gare. Dann via Industriezon laanscht de Kiirfecht an duerno an de Floss (rue du Floss). Weider um Teerwee biergop a Richtung Friddhaff. Dann iwwert en Deel vum Fitness-Parcours. No enger "Boucle" iwwert de Plateau rëm biergof op engem feste Wee via Kockelbierg zréck op Dikrich an de Wunnquartier noh beim Groussen Geriicht (Tribunal) an dann op der Parkplatz virum Geriicht duerch de Foussgängertunnel zréck an de Staadzentrum (Foussgängerzon). Kuerz duerno op de Chrëschtmaart an dann zréck an d'Ziel op der "Place Bech". D'Streckenopzeechnung ass net korrekt. Et feelt ca 1 km vum Ufank a vum Schluss vun der Streck (rue du Floss/rue Kockelbierg) aus techneschen Grënn (riicht Linnen vun der Opzeechnung sinn falsch). Wieder: sonneg an drëschen. Gef. Wanderungen (5 + 10 km) waren gutt besicht. Schätzungsweis 55 - 60 Leit. Ofgemooss knapp 8 km a Wirklechkeet. Terminus. Fern. Wengler / Ettelbréck.

Ze spéit opgezeechent. KM: ?(7,3m+2,6=) +-9,9 km. Staadwanderung: Marsch vun der FLMP mat Start an der Groussgaass an der Uewerstaad (um "Roude Pëtz"). Weider via Knuedler (place Guillaume ll) bei den Hl. Geeschtplateau (Geriicht). Dann iwwert d'Corniche an biergof an de Paafendall bei d'Kontroll an der Jugendherberg (bei Km: +-2,6). Weider op Clausen laanscht d'Heemechtshaus vum bedeitenden europäischen Staatsmann Robert SCHUMANN Matgrënner vin der EWG (Handel vu Kuel a Stool). Duerno an de Gronn (Péitrusdall) an virun bis zum Viadukt. Mir kommen dann an de Garer Quartier. Vun der "Paräisser Plaaz" bis zum Plateau Bourbon (Rousegäertchen) bei déi 2. Kontrolle, a virun bei déi "Nei Bréck" bis riwwer an d'Uewerstaad an duerch déi 3 Parken zréck an de Staadzentrum (Theaterplatz an Groussgaass) mat dem "Roude Pëtz" als Ziel. Wieder: Wolleken an drëschen. Insgesamt gesinn es ganz flotten Tour mat villen Fotogeleeënheeten. Terminus. Fern. Wengler / Ettelbréck.

Start am Centre Culturel beim Hesper Parc via Alzingen (Wunnquartier). Retour dir. Hesper/Howald via Quartier Résidentiel. Duerno zréck via Hesper + Parc vun Hesper. Wieder: Naass mat Fissemreen. Terminus. Fern. Wengler / Ettelbréck.

Start um Parking beim Chalet am Stroossenerbësch a Gehrichtung Bridel. Virdrun awer dréint de Wee - alles am Bësch - liicht biergof bei d'Haaptstrooss "Kopplescht/Mamer. Dann weider an de Bëscher a Richtung Mamer laanscht Thillsmillen an Neimillen. Kuerz virun der Autobunnsbréck (Luxbg/Arlon) dréine mer no lénks, liicht mä permanent biergop a Richtung Strooss vum Bridel op Stroossen, resp. zréck bei de 'Fräiheetsbaam' am Stroossenerbësch. Ënnerwee näischt Besonneschtes an dësem Bëschgebitt ze gesinn mat der gläichzäiteger Bemierkung dat all déi Weeër gutt ze goe sinn, an daat souguer bei naasser Witterung. Wieder: gro mat Wolleken bei naassem Terrain duerch de Reen déi Deeg virdrun. Hei sinn ëmmer ënnerwee Leit ze gesinn - Spadséiergänger, Leit um Velo, oder Leefer. Kuerz - en angenehme Parcours am Allgemengen fir jiddereen. Terminus. Fern. W. / Ettelbrück

Start beim Chalet bei der Velospiste (Sauer) a Richtung vun den landw. Betriiber Hirzenhaff resp. Moserhaff bis an d'Bëscher virdrun. Weider op dem däerzäitegen Permanentwee (PW) vun Bettendorf an Direktion Gilsdorf. Dann weider um PW op engem Trëppelpad laanscht d'Fielsen a Richtung "Schoofsbësch" (Aale Steebroch). Bei der Fielsen huet de Bettenduerfer Wanderveräin en Deel vun dëser Streck mat enger Chrëschtdekoratioun mat Bullen an aaneren Figuren belieft. Virum aale Steebroch si mer lénks ofgebéit, zréck a Richtung Bettendorf bis bei de Chalet um Veloswee, dem Ziel. Wieder: zum Deel liichte Fissemreen mat plaazeweis Bulli op der Streck. Teilnehmerzuel: ca 50 - 60 Leit. Terminus. Fern. W. / Ettelbrück.